ივანე ჯავახიშვილის სახელობის თბილისის სახელმწიფო უნივერსიტეტის ეკონომიკისა და ბიზნესის ფაკულტეტის პირველკურსელმა სტუდენტმა ნინო კეჩხუაშვილმა საქართველოს ჩემპიონატში კრივში, რომელიც 22-დან 26 დეკემბრის ჩათვლით გორში გაიმართა, უფროსებს შორის, 54 კგ. წონით კატეგორიაში პირველი ადგილი მოიპოვა.
მან სპორტული კარიერა ადრეული ასაკიდან დაიწყო და წლების განმავლობაში არაერთ მნიშვნელოვან წარმატებას მიაღწია, როგორც ეროვნულ, ისე საერთაშორისო ასპარეზზე. გასულ წელს იგი ახალგაზრდებს შორის გახდა საქართველოს ჩემპიონი კრივში.
ნინოს ასევე მნიშვნელოვანი წარმატებები აქვს კიკბოქსინგში. იგი არის საქართველოს არაერთგზის ჩემპიონი და საერთაშორისო ტურნირების მონაწილე და გამარჯვებული, 2023 წლის მსოფლიოს პრიზიორი.

